TikTok-yň ulanyjylary awtomobillerden has köp CO2 zyňyndylaryny öndürýärler

  • 18.12.2024 18:56
  • 10k+

TikTok iň köp uglerod zyňyndysyny goýberýän sosial ulgamlaryň biri bolup çykdy, ol bu görkeziji boýunça diňe YouTube-dan yza galyp, ikinji orny eýeleýär. Platformanyň ýyllyk zyňyndylary tutuş bir ýurduň zyňyndylary bilen deňleşýär. Meşhur sosial ulgamlaryň uglerod yzlaryna Greenly konsalting kompaniýasy öz ylmy gözleginde baha berdi diýip, The Guardian ýazýar.

Şeýlelikde, TikTok-y ulanmagyň ortaça bir minutynda 2,921 gram CO2 bölünip çykýar. YouTube platformasynda birneme köp – 2,923 gram, Instagram-da bolsa bu görkeziji 2,912 grama deňdir.
Şol bir wagtyň özünde, ulanyjylaryň TikTok-a sarp edýän ortaça wagty bäsdeşlerinden ep-esli köpdür. Her gün bir ulanyjy programmada, takmynan, 45,5 minut, Instagram-da bolsa 30,6 minut sarp edýär. Netijede, TikTok-yň bir ulanyjysynyň ýyllyk uglerod yzy 48,49 kg kömürturşy gazyna ýetýär, bu bolsa benzin awtomobilinde 198 km geçilen menzile deňdir. YouTube-da bu görkeziji 40,17 kg, Instagram-da 32,52 kg barabar.
Bir ýylda TikTok-yň umumy uglerod yzy tutuş bir ýurduň, mysal üçin, Gresiýanyň zyňyndylaryndan hem köp boldy. Ylmy gözleg zyňyndylaryň, esasan, maglumat merkezleri (99%) we zarýad beriji gurluşlar bilen baglanyşyklydygyny görkezýär. 


23.11.2025 20:39
4.3k+

Amazonka we äpet derýalar: Planetanyň iň uly 30 sany suw arteriýasy atlandyryldy

Derýalar biziň planetamyzyň arteriýalary bolup, olar süýji suwy yklymlara daşaýar we tutuş ekoulgamlary kemala getirýär. Hünärmenler dünýäniň iň kuwwatly 30 sany derýasyny ortaça akym tizligine görä tertipleýän täze infografika döretdiler...

20.11.2025 14:17
10k+

TikTok programmada wagtyny az geçirýän ulanyjylary nyşanjyklar bilen sylaglar

TikTok sosial ulgamy ulanyjylara öz ruhy saglygy barada alada etmäge kömek etjek täze gurallary işe girizýär. Şeýle aýratynlyklaryň biri programmadaky wagtyny bilgeşleýin çäklendirýän ulanyjylara beriljek nyşanjyklar boldy diýip, TechCrunch habar berýär...

20.11.2025 11:14
3k+

Belgiýada kömelekden gaplamalar öndürilip başlandy

Brýusselde kömelek damarlaryndan (miseliýden) gaplama öndürýän Permafungi fabrigi işläp başlady. Bu "miko-material" doly dargap bilýär we polietileniň hem-de plastigiň beýleki görnüşleriniň ornuna ulanmak üçin işlenip taýýarlanýar...

07.11.2025 19:12
9.2k+

TikTok iň gowy blogerler üçin baýrak döretdi: ýeňijileri ulanyjylaryň özi saýlar

TikTok wideo platformasy kontent awtorlary üçin hususy TikTok Awards baýragynyň döredilendigini mälim etdi. Bu barada platformanyň resmi saýtynda habar berilýär. Baýragyň ilkinji gowşurylyş dabarasy 18-nji dekabrda ABŞ-da geçiriler...