Bitkoin duşenbe güni bahasynyň iň ýokary derejesini ýene bir gezek täzeledi. Bir bitkoiniň bahasy 106,533 dollara ýetdi. ABŞ-nyň prezident saýlawynda Donald Trampyň ýeňşinden soň, kripto walýuta bazaryndaky ösüş artmagyny dowam etdirýär.
Kripto walýutalary Ak tamyň saýlanan Prezidentiniň köp sanly tarapdarlary, şol sanda täze Hökümetde esasy wezipeleri eýeläp biljekler goldaýar. Trampyň özi öň birnäçe gezek kripto walýutada milli ätiýaçlyk goruny döretmek mümkinçiligi barada aýdypdy. Bu hem maýadarlaryň umytlaryny has-da artdyrdy. Geçen hepde ol ABŞ-nyň bu ugurdaky öňdeligini Hytaýa ýa-da beýleki ýurtlara bermeli däldigini aýtdy. Bu keýpiçaglyk bilen hem-de bitkoinleriň iň uly kärhana eýesi "MicroStrategy-nyň" "Nasdaq-100" sanawyna girizilmegi baradaky habarlar bilen goldanyldy. 2024-nji ýylda onuň maýa goýumy alty esse artyp, 94 milliard dollara ýetdi diýip, 3dnews.ru ýazýar.
Ýylyň başyndan bäri bitkoiniň bahasy takmynan üç esse ýokarlandy we kripto walýuta bazarynyň umumy mukdary iki esse artyp, 3,8 trillion dollara ýetdi.
Bitkoiniň gymmatlamagynyň barşynda efiriň bahasy hem 1,5% artyp, 3965 dollara ýetdi. Analitikler bitkoiniň indiki sepginiň 110 müň dollardygyny çaklaýarlar.
