Gruziýanyň parlamenti öňki futbolçy Mihail Kawelaşwilini Prezident saýlady. “Gruziýa arzuwy” dolandyryjy partiýasy tarapyndan hödürlenen dalaşgär ýurduň ilkinji göni däl Prezident saýlawlarynda ýeke-täk dalaşgär boldy diýip, RBK habar berýär.
Kawelaşwili 300 parlamentçiden 224 ses aldy. Prezident bolmak üçin azyndan 200 ses gerekdi.
Gruziýada ilkinji gezek Prezident 300 adamdan ybarat Saýlaw kollegiýasy tarapyndan saýlandy. Bu kollegiýa bir palataly parlamentiň 150 deputatyny, Abhaziýa awtonom respublikasynyň ýokary wekilçilikli edaralarynyň 20 wekilini, Adžariýadan 21 wekili we syýasy partiýalardan ýerli öz-özüni dolandyryş edaralarynyň (sakrebulo) 109 agzasyny öz içine alýar.
53 ýaşly Kawelaşwili – Gruziýanyň milli futbol ýygyndysynyň öňki hüjümçisi. Ol Tbilisiniň “Dinamosynda” (Gruziýa), “Mançester Sitide” (Angliýa) we Wladikawkazyň “Spartak-Alaniýasynda” (Russiýa) çykyş etdi. Kawelaşwili sport karýerasyny 2006-njy ýylda tamamlady, şondan soň syýasat bilen işjeň meşgullanyp başlady.
