Chanel moda öýi fransiýa-belgiýaly dizaýner Mettýu Blazini täze döredijilik müdiri wezipesine belledi. Bu barada Women’s Wear Daily žurnaly habar berdi.
Mundan öň Blazi Bottega Veneta brendine ýolbaşçylyk edipdi. Ol täze kompaniýada wezipesine 2025-nji ýylyň aprel aýynda girişer.
“Biz 10, 15 we ondan hem köp ýyl bile bolarys diýip umyt edýäris. Biz häzir taryhymyzyň başynda. Bilelikde biz brend üçin täze baby ýazyp bileris” – diýip, Chanel SAS-yň prezidenti Bruno Pawlowski belledi.
Ol Blaziniň brendiň mirasyna we özünden öňküleriň bitiren işine hormat goýýandygyny belläp geçdi. Ondan öň döredijilik müdirleri Gabriel Şanel, Karl Lagerfeld, şeýle-de bäş ýyl işländen soň 2023-nji ýylda Chanel-i terk eden Wirjini Wiar boldy.
Täze rolda Blazi haute couture, ready-to-wear kolleksiýalaryna ýolbaşçylyk eder hem-de aksessuarlar hataryny ösdürmek bilen meşgullanar.
Bottega Veneta-da işlemezden ozal dizaýner Raf Simons, Calvin Klein we Celine bilen hyzmatdaşlyk etdi. Bottega Veneta-nyň täze döredijilik müdiri Luiza Trotter bolar.
