Disney kompaniýasy 2010-njy ýylda çykan “Rapunsel: Çylşyrymly hekaýa” (Рапунцель: Запутанная история) animasion lentasynyň esasynda doly metražly film döretmäge girişdi. Taslama doganlar Grimmleriň adybir ertekisine esaslanýar diýip, Variety habar berýär.
Geljekki lentanyň režissýory “Beýik şoumen” (Величайший шоумен) mýuziklini goýujy Maýkl Greýsi bolup biler. Onuň ssenarisi “Tor: Söýgi we gök gürrüldisi” (Тор: Любовь и гром) lentasynyň we “Men geçen tomus näme edeniňizi bilýärin” (Я знаю, что вы сделали прошлым летом) filminiň täze wersiýasynyň üstünde işlän Jennifer Kaýtin Robinsona tabşyryldy. Film üçin kasting heniz yglan edilmedi.
14 ýyl ozal çykan ýylynda “Rapunsel: Çylşyrymly hekaýa” multfilmi dünýä prokatynda 592 mln dollar ýygnady. Şondan soň diňde saklanýan şa gyzynyň hekaýatynyň üstüni ýetirýän gysga metražly film we serial döredildi.
Disney animasion hitleriniň kino wersiýalaryny döretmek trendini işjeň dowam etdirýär. Mundan öň tomaşaçylara “Şa ýolbars” (Король Лев), “Gözel we nägehan” (Красавица и Чудовище), “Mulan” (Мулан), “Aladdin” (Аладдин), “Suw perijigi” (Русалочка) we “Dambo” (Дамбо) multfilmleriniň kino görnüşleri hödürlendi. 2025-nji ýylda “Garpamygyň” (Белоснежка) we “Lilo we Stiçiň” (Лило и Стич) premýerasy meýilleşdirilýär, 2026-njy ýylda bolsa ýarymhudaý Mauiniň keşbini Dueýn Jonsonyň ýerine ýetirmeginde “Moana” filmi çykar.
