Germaniýanyň WinFuture çeşmesi Samsung Galaxy S25 seriýaly smartfonlaryň bahalaryny mälim etdi. Smartfonlar birnäçe gowulaşmalary alandygyna garamazdan, iň bolmanda, Germaniýada şol öňki ýagdaýynda galar.
Bahalar şeýle bolar:
- Galaxy S25: 128 GB - 900 ýewro / 256 GB - 960 ýewro
- Galaxy S25 Plus: 256 GB - 1150 ýewro / 512 GB - 1270 ýewro
- Galaxy S25 Ultra: 256 GB - 1450 ýewro / 512 GB - 1570 ýewro / 1 TB - 1810 ýewro
Çeşme bu modelleriň RAM-nyň nähili boljakdygyny görkezmeýär, ýöne öň Galaxy S24 Ultra-nyň 16 Gb RAM, Galaxy S25-iň we Galaxy S25 Plus -yň hersinde 12 GB RAM boljakdygy habar berlipdi.
Smartfonlaryň iň ýokary derejeli Qualcomm Snapdragon 8 Elite bir çip ulgamy we Android 15 esasly One UI 7 interfeýsi bilen enjamlaşdyrylmagyna garaşylýar.
Şeýle hem insaýder Roland Kwandt Galaxy S25 Ultra-nyň maketiniň gara we ak reňkdäki şekillerini hödürledi. Dizaýn, maketde periskop modulynyň ýokdugyny hasaba almasaň, iň soňky wersiýa gabat gelýär. Ol önümçilik wersiýasynda bolar.
Galaxy S25 setiriniň resmi taýdan ilkinji görkezilişi 2025-nji ýylyň ýanwar aýynda bolar.
