AMD amerikan kompaniýasynyň ýolbaşçysy Liza Su Time žurnaly tarapyndan ýylyň baş müdiri diýlip ykrar edildi.
AMD integral mikroshemalary we elektronikany öndürýär. Bu merkezi prosessorlary, grafiki prosessorlary we adapterleri, şeýle-de çipsetleri iň uly öndürijileriň biridir. Neşirde Liza Sunuň baş müdir bellenen wagty kompaniýanyň çökgünlik ýagdaýynda bolandygy bellenilýär. Paýnamalaryň bazar bahasy zordan 3 dollardan geçýärdi, maglumat merkezleri üçin çipleriň bazarynda paý bolsa nola golaýdy.
Bilimi boýunça inžener bolan Su önümleriň doly derejede gaýtadan taslanmagyna, müşderiler bilen gatnaşyklaryň dikeldilmegine üns berip, kompaniýany üstünlige getirdi.
2022-nji ýylda AMD-niň bahasy ilkinji gezek esasy bäsdeşi Intel-iň kapitalizasiýasyndan ýokary boldy. Häzirki günde AMD-niň paýnamalary 130 dollar derejesinde satylýar we bu Sunuň gelen döwründäkiden 50% ýokarydyr. Sunuň tagallalary akademiki jemgyýet tarapyndan hem ykrar edildi: Garwardyň işewürlik mekdebi AMD-niň dolandyryş taryhyny mysal hökmünde öz okuw maksatnamasyna goşdy.
“Bu, hakykatdanam, häzirkizaman amerikan jemgyýetiniň taryhynda iň beýik özgerişleriň biri” – diýip, taryhçy, Chip War kitabynyň awtory Kris Miller belleýär.
Neşiriň 2024-nji ýylda wagtlaýyn dünýäniň iň gymmat kompaniýasyna öwrülip, haýran galdyryjy belentliklere ýeten Nvidia ýaly bäsdeşleriň bar döwründe Suny saýlamagy aýratyn üns bellärliklidir. Şeýle-de belläp geçsek, Nvidia-nyň ýolbaşçysy Jenden Huang bilen Liza Su daşgyn garyndaşdyr.
