Hytaýda çoýny adaty usuldan 3600 esse çalt öndürmegiň öwrülişikli usuly işlenip taýýarlandy. Barlagçylar tehnologiýanyň diňe bir prosesi çaltlaşdyrman, eýsem, onuň arzan düşýändigini we ekologiýa taýdan has amatlydygyny nygtaýarlar diýip, South China Morning Post ýazýar.
Domna pejinde çoýny gaýtadan işlemegiň adaty usuly alty sagat töweregi wagt alýar, ýöne täze usul taýýar metallary bary-ýogy üç-alty sekuntda almaga mümkinçilik berýär. Bu demir magdanynyň owradylan tozuny ýokary temperaturaly peje pürkýän tüweleýläp üflemek usulyny ulanmak arkaly gazanylýar. Bu prosesiň netijesinde ýüze çykýan himiki reaksiýa ýokary derejede arassa demir akymynyň emele gelmegine getirýär.
Bu usulyň üstünde on ýyldan gowrak wagt işlendi. Synaglar ulgamyň ýylda 7,11 million tonna çoýun öndürip biljekdigini görkezdi. Bu proses kömür talap etmeýär, bu bolsa uglerod zyňyndylaryny ep-esli azaldýar. Mundan başga-da, täze tehnologiýa pes metal düzümi bolan demir magdanlaryny netijeli gaýtadan işlemäge mümkinçilik berýär, bu çoýny iň köp öndürýän Hytaý üçin has hem möhümdir.
Alymlar bu usulyň pudagyň energiýa netijeliligini 30% ýokarlandyryp biljekdigine ynanýarlar.
