Mersedes-AMG üçeginiň we aýnasynyň ýoklugy bilen tapawutlanýan Mythos PureSpeed-iň önümçilik wersiýasyny hödürledi. Şeýle aýratynlyklaryň öwezini dolmak üçin awtoulag özboluşly aerodinamiki elementler bilen enjamlaşdyrylandyr diýip, Motor1 ýazýar.
PureSpeed SL63-iň öňdäki panelinde AMG One giperkarynyň täsiri bar, polat Halo gorag gurluşynyň bolsa süýşürilýän howpsuzlyk dugalary bilen üsti ýetirilýär.
Model 577 at güýjüni öndürýän 4,0 litrlik goşa turbo görnüşli V8 hereketlendirijisi, dokuz tizlikli geçiriji, doly hereketli tekerler we kreniň gidrawliki gözegçiligi hem-de yzky tekerleri dolandyryjy ýaly şassi ulgamlary bilen enjamlaşdyrylandyr.
Awtoulag aragatnaşyk ulgamly iki aerodinamiki şlem bilen gelýär. Salon eksklýuziw IWC Schaffhausen sagady bilen bezeldi.
Komplektde barybir köneki ýaryş awtoulaglaryndaky ýaly teker arkalaryna berkidilen mata örtükden ybarat üçek bar. Şeýle-de bolsa, bu örtük diňe awtoulag duralgada goýlanda ulanmak üçin niýetlenendir.
Bahasy entek aýan edilmedi, ýöne çykarylyşynyň 250 nusga bilen çäklendirilendigini we kollektorlar üçin niýetlenendigini göz öňünde tutup, modeliň bahasy arzan bolmaz. Mersedes Mythos seriýasyny Maybach-dan ýokarda goýýar.
