Xiaomi özüniň ilkinji krossoweri YU7-ni resmi taýdan hödürledi. Ol kompaniýanyň ikinji elektromobili boldy. Satuw 2025-nji ýylyň iýun ýa-da iýul aýlaryna meýilleşdirilýär diýip, 3Dnews habar berýär.
YU7 krossoweri iki elektrik hereketlendirijisi bilen üpjün edildi: öňdäki 220 kWt we yzky 288 kWt. Ulgamyň umumy kuwwaty 508 kWt (681 at güýji) bolup, bu tizligi sagatda 253 km çenli artdyrmaga mümkinçilik berýär. Awtomobiliň göwrümi: uzynlygy – 4999 mm, ini – 1996 mm, beýikligi – 1600 mm. Tigir bazasy 3000 mm, agramy 2405 kg barabar.
Model üçin batareýany CATL kompaniýasy öndürýär, ýöne onuň sygymy häzirlikçe belli däl. Awtomobiliň dizaýny süýnmek şekilli kuzowy we aýnalaryň egri çyzyklary sebäpli Ferrari Purosangue-ni ýada salýar.
Mundan öň Xiaomi SU7 sedanyny çykardy we 2024-nji ýylyň noýabr aýyna çenli bu modelden 100 000-den gowrak awtomobil satyldy. Kompaniýa täze krossower bilen elektromobil bazarynda ornuny berkitmek we Tesla bilen bäsleşmek isleýär. YU7-niň bahasynyň 250 000-den 350 000 ýuan aralygynda (takmynan, 35 500 – 48 200 dollar) bolmagyna garaşylýar.
