Dominikanly beýsbolçysy Huan Soto MBL-yň “Nýu-Ýork Mets” kluby bilen rekord - 765 million dollarlyk şertnama baglaşdy. Bu şertnama professional sportuň dünýäsinde iň gymmat şertnama boldy.
Sports.ru-nyň habar bermegine görä, şertnama 15 ýyllyk bolup, ýylda 51 million dollar tölener.
Şol bir wagtda, şertnamada 2029-njy ýylyň möwsüminiň ahyrynda onuň ýatyrylyp bilinjekdigi göz öňünde tutulýar. Şeýle-de bolsa, klub şertnamanyň galan bölegi üçin Sotonyň ýyllyk tölegini 55 million dollara çenli ýokarlandyryp, bu mümkinçiligi ýatyryp biler. Bu ýagdaýda şertnamanyň umumy bahasy 800 million dollardan geçer.
Bu şertnama geçen ýyl “Los-Anželes Dojers” bilen on ýyllyk, 700 million dollarlyk şertnama baglaşan ýaponiýaly beýsbolçy Sýoheýem Otani tarapyndan goýlan öňki rekorddan geçdi.
Soto MLB-de 2018-nji ýyldan bäri çykyş edýär. Dominikanly türgen geçen möwsümi “Nýu-Ýork Ýankisiň” düzüminde geçirdi we olar bilen Dünýä seriýasyny çykmagy başardy. Emma finalda “Dojersden” ýeňildi.
