Hytaýyň Senagat we maglumat tehnologiýalary ministrliginiň maglumatlar bazasynda Xiaomi SU7 Ultra modeliniň ilkinji janly suratlary we giňişleýin maglumatlar peýda boldy. Beýana görä, model dört gapyly iň tiz tapgyrlaýyn awtomobil adyna dalaş edýär diýip, Carnewschina habar berýär.
Elektromobil 630 km çenli menzili üpjün edýän 93,7 kWt/sag sygymly CATL Qilin 2.0 akkumulýatory bilen enjamlaşdyryldy. Şol bir wagtyň özünde, alyjylara dört görnüş hödürlener – beýleki üç görnüşde bir zarýadda geçilýän menzil 520 km, 555 km we 600 km bolar.
SU7 Ultra-nyň esasy kuwwaty üç elektrik hereketlendirijisiniň kömegi bilen gazanylýar: öňdäki okda bir V6 (391 at güýji) we yzky okda iki V8 (her biri 577 at güýji). Bu awtoulaga jemi 1545 at güýjüni berýär. Tizligi 100 km/sag çenli artdyrmak 1,98 sekunt wagt alýar, iň ýokary tizlik bolsa sagatda 350 km-den geçýär.
SU7 Ultra-nyň 100 km/sag tizlikden tormoz aralygy 30,8 metrdir.
Modeliň aýratynlyklarynyň arasynda alty porşenli Akebono supportlary bilen keramiki tormozlar, Nvidia Orin X çiplerinde işleýän intellektual dolandyryş ulgamy Xiaomi Pilot bar. Maglumat ekrany ulanyjy interfeýsiniň eksklýuziw dizaýnyny hödürleýär we Xiaomi HyperOS ulgamynyň ulanylmagy bilen, Qualcomm Snapdragon 8295 çibinde işleýär.
Çalt zarýad beriş 11 minutda batareýanyň 80%-ini doldurmaga mümkinçilik berýär.
SU7 Ultra elektromobiliniň deslapky satuwy 112 200 dollar baha bilen eýýäm başlady, onuň bazara çykmagy 2025-nji ýylyň mart aýyna meýilleşdirilýär.
