8-nji dekabrda Singapurda küşt boýunça dünýä çempiony ady ugrunda ýaryşyň 11-nji oýny oýnaldy. Bu gezek häzirki çempion, hytaýly grossmeýster Din Ližen Hindistandan dalaşgär Gukeş Dommarajudan utuldy. Döw 29-njy göçümde, Din Ližen seýtnotda ýalňyşlyk goýberenden soň tamamlandy.
Seýtnot - bu göçümleri oýlamak üçin wagt ýetmezçiligini aňladýar. Bu adalga küşt ýaryşlarynda wagt tutulyp başlanandan soň girizildi. Gukeş bilen Diniň şu gezekki oýnunyň ortasynda garşydaşlaryň ikisi-de wagtyny doly gutaraňkyrlady diýen ýaly. Tagtanyň üstündäki emele gelen çylşyrymly ýagdaýda Din malyny ýitirip, boýun egdi.
Şeýlelikde, dowamly deňme-deň netijeden soň 18 ýaşly hindistanly küştçi ahyrsoňy öňe çykdy. Umumy hasap Gukeşiň peýdasyna 6:5 boldy.
Oýunda üç döw galdy, utuklar deň bolan ýagdaýynda taý-breýk geçiriler.
12-nji döw şu gün, 9-njy dekabrda bolar.
Dommaraju ýeňiş gazanan halatynda taryhda küşt täjiniň iň ýaş eýesi bolar.
Titul oýnunyň baýrak gaznasy 2,5 mln dollara barabar.
