Hytaýyň Ýeňil awtomobiller assosiasiýasynyň maglumatlaryna görä, şu ýylyň ýanwar aýyndan oktýabr aýy aralygynda elektromobil satuwy 14,1 mln birlige ýetdi we şolardan 69%-i Hytaýyň paýyna düşdi. Oktýabr aýynda Hytaýyň bazar paýy 75%-den geçdi.
Hytaý global elektromobil bazarynda agdyklyk etmegini dowam etdirýär. Geçen ýyl, Halkara energetika agentliginiň maglumatlaryna görä, hasaba alman täze elektromobilleriň, takmynan, 60%-i Hytaýyň paýyna düşdi.
ABŞ we ÝB ýaly günbatar bazarlary hytaý elektromobilleri üçin ýokary nyrhlary girizdiler, bu Hytaý senagatynyň ösüşini haýalladyp biler. Ýagny, ABŞ gümrük haklaryny 25%-den 100%-e enli ýokarlandyrdy, ÝB bolsa bar bolan 10%-e goşmaça 35%-e çenli gümrük hakyny belledi.
Muňa garamazdan, hytaý bazary içerki islegleriň we ýeňillikleriň netijesinde öz ornuny saklaýar. Hökümet öz adaty awtomobillerini tabşyrýan alyjylar üçin pul kömegini 20 000 ýuana çenli artdyrdy.
Ilon Maskyň Tesla kompaniýasy hem bu ýagdaýdan peýdalanyp, üçünji çärýekde satuwyny 7% ýokarlandyrdy.
