Dünýädäki daşky gurşawyň täsirleri sebäpli hasyllylygyny we öndürijiligini ýitiren ýerleriň umumy meýdany 15 million inedördül km-e ýetdi. Bu Antarktidanyň meýdanyndan hem has uludyr. Howanyň üýtgemegini öwrenmek boýunça Potsdam institutynyň hasabatynda aýdylýar diýip, TASS habar berýär.
Institutyň habar bermegine görä, ýerleriň ulanyşdan galmagy ýylda 1 million inedördül km meýdanda bolup geçýär. Topragyň ulanyşdan galmagynyň esasy sebäbi ony zaýalaýan we ekosistemalary hapalaýan oba hojalygyndaky ulanylýan himiki maddalardyr. Bu amal planetanyň adamlar üçin amatly şertleri saklamak ukybyna ýaramaz täsir edýär.
BMG-niň Çölleşmäge garşy göreş Konwensiýasynyň metbugat sekretary Ibragim Tiaw "The Guardian" gazetine beren interwýusynda: "Biz çäre görmesek, netijeler durmuşyň ähli taraplaryna täsir eder we geljek nesiller üçin bolsa kynçylyklary hasam kynlaşdyrar" diýip belleýär.
Topragyň iň uly zaýalanmagy Günorta Aziýada, Hytaýyň demirgazygynda, ABŞ-nyň Uly düzlüklerinde we Ortaýer deňzinde ýüze çykýar diýip, tass.ru ýazýar.
Bilermenleriň pikiriçe, howanyň üýtgemegi, gurakçylyk we suw joşmagy ýaly täsirler ýagdaýy hasam agyrlaşdyrýar.
