2024-nji ýylyň üçünji çärýeginde iPhone 15 dünýä bazarynyň 3%-ini eýeläp, dünýäde iň köp satylan smartfon boldy. Ikinji we üçünji orunlary-da Apple-iň smartfonlary – iPhone 15 Pro Max we iPhone 15 Pro eýeledi diýip, 9to5Mac habar berýär.
Liderleriň bäşligine Samsung-yň iki modeli – Galaxy A15 5G we Galaxy A15 4G girdi.
Altynjy orunda has elýeterli bahasynyň kömegi bilen meşhur bolup galýan iPhone 14 ýerleşýär. Xiaomi kompaniýasy Redmi 13C modeli bilen 7-nji orny eýeledi. 8-nji orun Samsung-yň A seriýadan ýene bir smartfonyna – Galaxy A05-e degişli boldy. Galaxy S24 we S24 Ultra flagman modelleri 9-njy we 10-njy orunlarda ýerleşdiler.
Hünärmenler iPhone 15 Pro-nyň üstünliginiň kämilleşdirilen kamerasy we displeýi, şeýle-de köne gurluşlary çalyşmak üçin amatly teklipler bilen baglanyşyklydygyny belleýärler. Muňa garamazdan, Apple günorta koreýaly bäsdeşiniň has elýeterli modelleri sebäpli satuwyň birneme peselendigini görkezdi.
