Toyota kompaniýasy Hytaýda 2024-nji ýylyň ahyryna çenli awtoulaglarynyň bahasyny arzanlatjakdygyny habar berdi. Köp modeller uly arzanlaşyklar bilen satylar diýip, ITHome habar berýär.
Bu aksiýanyň çäklerinde Toyota Land Cruiser Prado awtoulagyny 3500 dollar arzanlaşyk bilen satyn almak mümkinçiligi bar. Toyota Corolla-nyň bahasy 12 300 dollar bolar, Toyota RAV4-üň bahasy bolsa 17 800 dollardan başlar. Şeýle-de beýleki meşhur modeller hem arzanladylar: Toyota Harrier-iň bahasy 20 500 dollardan başlar, Toyota Crown bolsa 33 000 dollar bolar.
Mundan başga-da, kompaniýa köne awtoulagy täzä çalyşmak isleýänlere 3200 dollara çenli arzanlaşyk hödürleýär. Şeýle hem satyn alýan müşderilere tehniki hyzmatlar we sowgatlar ýaly dürli bonuslar berler.
2024-nji ýylyň noýabr aýynda 90 037 sany FAW Toyota satyldy, bu görkeziji oktýabr aýy bilen deňeşdirilende 18% ýokarydyr. Geçen ýylyň şol döwri bilen deňeşdirilende bolsa 38% ýokary.
Şu ýyl 11 aýyň dowamynda kompaniýa jemi 703 268 awtoulag satdy.
