2025-nji ýylyň futbol boýunça Klublaýyn dünýä çempionatyna gatnaşyjylaryň ählisi belli boldy. Ýaryşa 32 topar gatnaşar.
Ýaryşa soňky bolup Braziliýanyň “Botafogo” (Rio-de-Žaneýro) kluby goşuldy. Ol Libertadoresiň Kubogynyň finalynda Braziliýanyň başga bir kluby “Atletiko Mineýrony” (Belu-Orizonti) 3:1 hasabynda utdy.
Şeýlelikde, Klublaýyn dünýä çempionatynda 32 klub çykyş eder:
- Ýewropadan 12 topar (“Çelsi”, “Real”, “Mançester Siti”, “Bawariýa”, “PSŽ”, “Inter”, “Borussiýa”, “Portu”, “Atletiko”, “Benfika”, “Ýuwentus”, “Red Bull Zalsburg”);
- Günorta Amerikadan 6 topar (“Palmeýras”, “Flamengo”, “Fluminense”, “Botafogo”, “Riwer Pleýt”, “Boka Huniors”);
- KONKAKAF zonasyndan 4 topar (“Monterreý”, “Sietl Saunders”, “Leon”, “Paçuka”);
- Aziýadan 4 topar (“Al-Hilýal”, “Urawa Red”, “Al-Aýn”, “Ulsan”);
- Afrikadan 4 topar (“Al-Ahli”, “Widad”, “Sandaunz”, “Tunis”);
- Okeaniýanyň 1 wekili: “Oklend Siti”.
“Inter Maýami” amerikan kluby ýaryşa ýer eýesi hökmünde goýberilýär.
Bije çekişik 5-nji dekabrda geçiriler. Klublaýyn dünýä çempionaty 15-nji iýundan 13-nji iýul aralygynda ABŞ-nyň 11 şäherinde geçer.
