Huawei 12-nji dekabrda Dubaýda eplenýän flagman smartfonynyň global tanyşdyrylyşyny geçirer

  • 03.12.2024 13:32
  • 2.3k+

Hytaýyň Huawei kompaniýasy 12-nji dekabrda dünýä bazary üçin özüniň flagman eplenýän gurluşynyň tanyşdyrylyş dabarasyny geçirer. Çäre Dubaýda geçiriler, anons Huawei Mobile kompaniýasynyň X sosial ulgamyndaky resmi akkauntynda ýerleşdirildi.

“Klassykany açyň, çünki flagman eplenýän gurluşlaryň täze kämillik döwri başlanýar” – diýlip, habarda aýdylýar, ýöne gürrüňiň haýsy model barada gidýändigini kompaniýa aýdyňlaşdyrmaýar.

Analitikler çärede noýabr aýynda Hytaýda hödürlenen eplenýän smartfon Mate X6-nyň halkara wersiýasynyň görkezilip bilinjekdigini çaklaýar. Şeýle-de, ilkinji üç eplenýän smartfon bolan Mate XT Ultimate Design görkezilip bilner. Onuň dünýä bazaryna 2025-nji ýylyň birinji çärýeginde çykmagyna garaşylýar, ýöne deslapky anonsyň Dubaýda boljakdygyny inkär edip bolmaz.
Şeýle-de, öň Hytaýda çykarylan MatePad Pro 13.2 (2025) planşetiniň we FreeBuds Pro 4 nauşnikleriniň peýda bolmagyna garaşylýar. Mundan başga-da, Mate 70 hatarynyň smartfonlarynyň dünýä bazaryna çykjak senesi nämälimligine galýar.
Huawei üç ekranly smartfonlar ýaly innowasion çözgütleri hödürlemek bilen, eplenýän gurluşlaryň bazarynda ornuny berkitmegi dowam etdirýär.


07.09.2025 19:34
1.7k+

Huawei 546 dollar bahadan MatePad Mini planşetini hödürledi

Huawei kompaniýasy diagonaly 8,8 dýuým ekranly ykjam MatePad Mini planşetini hödürledi. Gurluş täzelenme ýygylygy 120 Gs we iň ýokary ýagtylygy 1800 kd/m2 bolan 2560 × 1600 piksel durulykda OLED displeýine eýe boldy...

05.09.2025 10:48
3.9k+

Huawei stilusly üç eplenýän Mate XTs smartfonyny hödürledi

Huawei stilus goldawyna eýe bolan dünýäde ilkinji üç eplenýän smartfony – täze Mate XTs-i hödürledi. Kompaniýa häzirlikçe şeýle görnüşi hödürleýän ýeke-täk öndüriji bolup galýar. Mate XTs üç epleme mehanizmi bilen üpjün edildi: ýygnalan görnüşde ekranyň diagonaly 6,4 dýuýma, açyk görnüşde 10,2 dýuýma barabar...

03.09.2025 12:28
2.7k+

Apple akylly sagatlaryň üpjünçiligi boýunça Huawei-den yza galdy

2025-nji ýylyň II çärýeginiň jemi boýunça Huawei ilkinji gezek akylly sagatlaryň üpjünçiligi boýunça Apple-den öňe geçip, dünýäde birinji orna çykdy. Bu barada Counterpoint Research statistikasy habar berýär. Hytaý bazary kompaniýanyň global üpjünçiliginiň 8% ösüşini üpjün edip, bu netijä ýetmekde möhüm orun eýeledi...

30.08.2025 18:08
3.6k+

Huawei tizerde üç eplenýän Mate XTs smartfonyny resmi tanyşdyryşdan öň görkezdi

Huawei kompaniýasy ikinji nesil Mate XTs eplenýän smartfonynyň tizerini görkezdi. Onuň resmi tanyşdyrylyşy 4-nji sentýabrda Şençžende bolar. Täze smartfon öňki modeliň dizaýnynyň esasy elementlerini: digir-digir çarçuwany, sekizburç kamera bloguny we S şekilli eplenmäni saklar (şarnirleriň biri ekrany daşyna, beýlekisi içine epleýär)...