Halkara "2024-nji ýylyň peýzaž fotosuratçysy" bäsleşiginiň ýeňijileri yglan edildi. Bäsleşige dürli ýurtlardan 3500-den gowrak surat hödürlendi.
Bu ýyl kanadaly fotosuratçy Endrýu Melžinskiýniň suraty hünärmenlerde uly täsir galdyrdy. Absolýut ýeňiji Argentinanyň Atakama çölünde özboluşly tebigy landşafty görüpdir. Suratda Kono de Arita wulkany görkezilýär. (Bu surat habaryň esasy suraty hökmünde ýerleşdirildi).
Mundan başga-da, Melžinski bäsleşige buzly tebigatyň suratyny hödürledi.
Ikinji orny awstraliýaly Ignasio Palasio eýeledi, ol Argentinadaky La Puna sebitiniň pemzaly meýdanynyň suratyny hödürledi.
Şeýle hem ol "Ýedi reňkli dagyň" (Boliwiýa, Siloli çöli) suratyny hödürledi.
Ýokarda agzalan Kono de Arita wulkanynyň suraty, Palasionyň hödürlän işleriniň arasynda hem bar.
Bäsleşigiň esasy kategorasy bilen birlikde, emin agzalar birnäçe nominasiýalara degişli işlere baha berdiler:
"Ýylyň peýzaž suraty": Itinomata, Ýaponiýanyň Ýamaguti prefekturasy (fotosuratçy Rýoheý Irie).
"Gar we buz": Buz girdaby, Grenlandiýa (fotosuratçy Ýerun wan Niwenhowen).
"Täsin asman": Polýar şöhlelenmesi, meteor akymy we beýleki gyzykly hadysalar, Rokka-la-Meha, Italiýa (fotosuratçy Frederiko Deluççi).
"Tokaý": Dumanly daglardaky şöhle saçýan tomzaklar, Ufen, Sinçžhu, Taýwan (fotosuratçy Şirli Wun).
"Gara we ak": Ölüm jülgesi, Kaliforniýanyň milli seýilgähi, ABŞ (fotosuratçy J. Fris Rumpf).
"Aerosurat": Dýunalar, Namibiýa (fotosuratçy Benjamin Barakat).
