Şweýsariýadaky Sankt-Gallen kantonynda, Kirhberg täjirçilik sebitindäki çemenlikde köne awtomobilleriň taşlanyp gaýdylan ýeri tapyldy. Awtomobilleriň “mazarystanyna” meňzeýän bu ýerde açyk asmanyň astynda geçen asyryň 70-80-nji ýyllarynda çykarylan sedanlar, kupeler we uniwersallar bar diýip, AutoMotor und Sport neşiri ýazýar.
Awtoulaglaryň köpüsi italýan we nemes önümçiligine degişli bolup, olaryň arasynda Alfa Romeo, Fiat 130, Lancia Gamma, Audi 200, Opel Senator, Opel Commodore Caravan we W126 kuzowly S klasly Mercedes-Benz bar. Şeýle modeller indi kolleksionerleriň arasynda gyzyklanma predmeti hasaplanýar.
Köp awtomobillere aýnalaryň döwülmegi we boýag kemçiligi ýaly zeper ýetipdir. Ulag serişdeleriniň tehniki ýagdaýy barada häzirlikçe maglumat ýok.
Ýerli häkimiýetler bu kolleksiýanyň kime degişlidigini anyklamaga çalyşýarlar. Şweýsariýanyň kanunyna laýyklykda, tapylan ulag serişdeleri eýeleri tarapyndan utilizasiýa tabşyrylmaly.
