Nissan çynlakaý maliýe çökgünliligini başdan geçirýär, kompaniýa ýapylmagyň bäri ýanynda dur. Işi durnuklaşdyrmak üçin bary-ýogy 12-14 aý wagt galdy diýip, kompaniýanyň ýolbaşçylarynyň wekillerine salgylanýan “Financial Times” habar berýär.
Kompaniýanyň esasy aladalary üçünji çärýekdäki girdejisiniň 85% peselmegini we 9,3 milliard ýena (60,1 million dollar) ýitgisini öz içine alýar. ABŞ-da we Ýaponiýada satuwyň pesligi sebäpli, kompaniýa 9 müňden gowrak işgäri işden boşatdy, önümçiligi bolsa 20% azaltdy. Şunlukda, “Nissan” 3 milliard dollar tygşytlamaga garaşýar diýip, ft.com ýazýar.
Çökgünligi ýeňip geçmek üçin Nissan bank ýa-da ätiýaçlandyryş topary ýaly uzak möhletli maýa goýujy gözleýär. Şeýle-de dolandyryş paýyna eýe bolup biljek kompaniýanyň köp ýyllyk bäsdeşi Honda bilen-de hyzmatdaşlygy giňeltmek mümkinçiligi göz öňünde tutulýar. Golaýda Nissan elektrik awtoulaglarynyň uzak möhletleýin ösüşi üçin “Honda” we “Mitsubishi” bilen hyzmatdaşlyk etdi.
Nissanyň fransuz hyzmatdaşy “Renault” 25 ýyllyk bileleşigini üýtgedip gurmak, şol sanda “Honda” paý satmak mümkinçiligini öwrenýär.
“Honda” kompaniýasynyň ýolbaşçylary bu biznesi halas etmek üçin golaýdaky aýlaryň aýgytly boljakdygyna ynanýarlar diýip, investing.com habar berýär.
