“Jeýms Uebb” kosmos teleskopy (JWST), alymlaryň pikirine görä, älemde iň irki bolmagy mümkin diýip hasaplanmaga dalaşgär bäş sany galaktikany tapdy. Olar häzir hem Uly partlamadan 200 million ýyl geçendäki bolşy ýaly ýaly görünýär diýip, Space.com habar berýär.
Bu obýektleriň ýagtylygy Ýere 13,6 milliard ýylda gelip ýetipdir, ýöne älemiň giňelmegi sebäpli indi olar 34 milliard ýagtylyk ýyly uzakda ýerleşýär. Barlag GLIMPSE taslamasynyň çäklerinde geçirildi.
Galaktikalaryň ýüze çykarylmagy Abell S1063 galaktika klasterini öçügsi ýagtylygy güýçlendirmek üçin ulanýan grawitasiýa linzasy hadysasy arkaly mümkin boldy.
Takyk derňew üçin alymlar spektroskopiki barlaglary geçirmegi meýilleşdirýärler, ýöne mundan beýläkki açyşlar ep-esli wagt talap eder. Tehas uniwersitetinden toparyň ýolbaşçysy Wasiliý Kokorew has ir ýüze çykan we öçügsi galaktikalary JWST arkaly 450 sagatlap gözegçilik edende tapyp boljakdygyny düşündirdi (GLIMPSE taslamasynyň bary-ýogy 150 sagat wagty bardy).
“Şeýlelikde, nazary taýdan, hawa, has ir we has uzak galaktikalar hem tapylyp bilner. Emma olar juda öçügsi we kiçi görner, netijede, olary tapmak gaty kyn bolýar" – diýip, ol sözüni jemledi.
