“Barselonanyň” we Ispaniýanyň milli ýygyndysynyň wingeri Lamin Ýamal 21 ýaşa çenli Ýewropanyň iň gowy ýaş futbolçysyna berilýän Golden Boy (“Altyn oglan”) baýragynyň eýesi boldy. Bu barada baýragyň guramaçysy Tuttosport italýan neşiri X sosial ulgamynda habar berdi.
Ýamal şu ýyl 17 ýaşyny doldurdy. Ýewro-2024 ýaryşynda ol 16 ýyl 338 gün ýaşynda Ýewropa çempionatynyň iň ýaş oýunçysy boldy, soňra Ýewronyň taryhynda goluň iň ýaş awtory (16 ýyl 362 gün) hökmünde rekord goýdy. Ýamal Ýewronyň iň ýaş oýunçysy diýlip ykrar edildi, Ispaniýanyň milli ýygyndysy bolsa çempion boldy.
Baýrak 2003-nji ýyldan bäri berilýär. Ony her ýyl Ýewropa çempionatlarynyň biriniň ýokary diwizionynda çykyş edýän 21 ýaşdan kiçi futbolçy alýar. Geçen ýyl baýragy Madridiň “Realynyň” we Angliýanyň milli ýygyndysynyň ýarymgoragçysy Jud Bellingem aldy.
Dürli ýyllarda Golden Boy baýragynyň eýesi Lionel Messi, Serhio Aguero, Ueýn Runi, Mario Balotelli, Mario Getse, Pol Pogba, Kilian Mbappe we Erling Holand boldy.
