Arabika kofesiniň bahasy soňky 13 ýylda rekord derejä ýetdi. Bahalaryň ýokarlanmagynyň sebäbi iň uly kofe öndürijileriň biri bolan Braziliýada gurak möwsümiň netijesinde hasyl çaklamasynyň peselmegi boldy diýip, Interfaks habar berýär.
Duşenbe güni ICE Futures Nýu-Ýork biržasynda arabika üçin fýuçersler 1,2% ýokarlanyp, funt üçin 3,0575 dollara ýetdi. Şol bir wagtyň özünde, robusta üçin fýuçersleriň bahasy 4,1% ýokarlanyp, tonna üçin 5191 dollara barabar boldy.
ABŞ-nyň Oba hojalygy ministrligi 2024/25 oba hojalyk ýyly üçin çaklamalara täzeden garady we indi öň çaklanylan 69,9 mln halta kofeniň deregine 66,4 mln halta hasyla garaşýar. Cemaden meteorologiýa gullugy Braziliýada häzirki möwsümiň 1981-nji ýyldan bäri iň gurak möwsümdigini we munuň kofe hasylynyň hiline we möçberine ýaramaz täsir edýändigini habar berýär.
Hünärmenler howa şertleriniň mundan beýläk-de ýaramazlaşmagynyň arabika üçin bahalaryň ýene ýokarlanmagyna getirip biljekdigini duýdurýarlar, bu bolsa dünýä bazarlarynda kofeniň elýeterli bolmagyny kynlaşdyryp biler.
