Hytaýyň “Space Transportation” kompaniýasy “Cuantianhou” atly (adatdan daşary) uçaryň modelini hödürledi. Geljekde şeýle uçar Pekinden Nýu-Ýorka ýolagçylary bary-ýogy iki sagadyň içinde eltip biler diýip, SpaceNews habar berýär.
Model Bremendäki “Space Tech Expo & Conference Europe” halkara konferensiýasynda görkezildi. Birinji prototipi 2025-nji ýylyň ikinji ýarymynda synagdan geçirmek meýilleşdirilýär.
Kompaniýanyň ýolbaşçysy Fan Deniň sözlerine görä, uçar sagatda 4900 km tizlige ýetip biler. Bu ýerde gürrüň her kilometre ýangyç sarp etmegiň iň az möçberi barada gidýär. Şol bir wagtyň özünde uçar sagatda iň ýokary tizlige - 6100 km ýetmäge ukyplydyr.
Bu täze uçar 20 kilometrden gowrak belentlikde uçup, bir uçuşda 3000 kilometre çenli aralygy geçer.
2027-nji ýyla çenli kompaniýa iki ýolagçy gatnatmaga ukyply uçýan enjamy döretmekçi bolýar. Şeýle-de 2031-nji ýyla çenli bolsa, 50 ýolagça niýetlenen kuwwatly uçaryň has uly görnüşini satuwa çykarmak meýilleşdirilýär. Onuň uzynlygy 30 metr, agramy - 70 tonna bolup, tizligi sagatda 6100 kilometre çenli bolar diýip, naked-science.ru ýazýar.
