Bentley kompaniýasy Kaliforniýanyň Ranço-Miraž şäheriniň özboluşly tebigatyna bagyşlanan Continental GT Speed kabrioletleriniň tematik seriýasyny çykardy. Expressions of Texture kolleksiýasynyň bir bölegi bolan dört awtomobil ýerli dileriň sargydy esasynda Mulliner atelýesi tarapyndan işlenip taýýarlandy.
Awtomobilleriň her biri özboluşly dizaýn we bezeg elementleri bilen tapawutlanýar. Mysal üçin, Havana reňkli model iki öwüşginli deri daşlygyna (öwüşginler “konýak reňki” we “ýanan dub”) we Ölüm jülgesini şekillendirýän relýeflere eýe boldy. Ghost White Pearl kabrioleti çöl alaňlaryny ýatladýan nagyşlar bilen bezeldi – bu nagyşlaryň döredilmegine 100 sagatdan gowrak wagt sarp edildi.
Peacock Blue awtomobili üç reňkli karbon bezeginiň netijesinde gijeki asmany alamatlandyrýar, British Racing Green modeli bolsa sebitiň ösümliklerini görkezýär.
Kabrioletleriň ählisi 659 at güýji we 900 Nm aýlanma pursaty bilen 6,0 litrlik W12 hereketlendirijisini aldy. Sagatda tizligi 100 km çenli artdyrmak 3,6 sekunt wagt alýar. Bentley modellerde Ultra Performance gibrid gurluşyny ulanmady.
