Apple Music aýdym-saz hyzmaty amerikaly aýdymçy Billi Aýlişi 2024-nji ýylyň artisti diýip atlandyrdy. Bu barada kompaniýanyň resmi saýtynda habar berilýär.
2024-nji ýylda Aýliş Hit Me Hard and Soft ady bilen üçünji albomyny çykardy we ol relizinden soň 138 ýurtda Apple Music çartlarynda birinji orny eýledi. Şeýle-de, “Barbi” filmi üçin ýazylan What I Was Made For aýdymy ikinji “Oskar” we iki “Gremmi” baýragyny getirdi.
Ýylyň esasy wakalarynyň biri Aýlişiň 2024-nji ýylyň Olimpiýa oýunlarynyň ýapylyş dabarasynda çykyş etmegi boldy. Ol Los-Anjelesde çykyş etdi. Bu çärede ýerine ýetirilen Birds of a Feather aýdymy Shazam-da rekord gözleg sanyny ýygnady.
“Apple Music meniň aýdym-sazymy we döredijiligimi ilkinji günden bäri goldaýar we meniň üçin ýylyň zenan artisti hökmünde ykrar edilmek uly hormat we buýsanç” – diýip, Aýliş hyzmatyň wekillerine beren interwýusynda belledi.
