Kanadanyň 59 ýaşly ýaşaýjysy Donna Jin Uaýld bir sagatda 1575 otžimaniýe edip, dünýä rekordyny goýdy. Rekord Ginnesiň rekordlar kitabynyň resmi saýtynda hasaba alyndy.
Uaýld otžimaniýeni düzgünleri berk berjaý etmek boýunça ýerine ýetirdi: aşaky nokatda tirsekler 90 gradus burç boýunça eplenmeli we ýokary galanyňda, eller doly gönelmeli. Pensioner aýal rekord goýmaga dogumly başlady we ilkinji 20 minutda 620 otžimaniýe etdi.
Mundan öň hem Uaýld plankada dört sagatdan gowrak wagt durup, Rekordlar kitabyna giripdi. Täze üstünlige taýýarlyk görmek üçin ol her gün türgenleşip, 500 otžimaniýe ýerine ýetirdi.
Rekord garrylar öýünde goýuldy. Uaýldy onuň 12 agtygy goldady, şolaryň 11-isi bu üstünligiň gözli şaýady boldy. Olar enesini ruhlandyryp, onuň otžimaniýesini sesli sanadylar.
Indi Donna Jin Uaýld dünýäniň iň çydamly aýallarynyň biri hökmünde iki gezek taryha ýazyldy.
