Apple kompaniýasy öz taryhynda iň inçe smartfon boljak iPhone 17 Air-i çykarmaga taýýarlanýar. Täze önüm özboluşly dizaýny, ýokary tehnologiýany we şoňa görä-de ýokary bahany wada berýär.
Ultra-inçe korpusly model 2025-nji ýylda Apple-iň güýzki tanyşdyrylyş dabarasynyň çäklerinde hödürlener. Şeýle-de bolsa, YouTube kanaly Apple Track wideo synyny taýýarlap, onda iň köp garaşylýan smartfonlaryň biri barada häzirki bar bolan bolan maglumatlary bir ýere jemledi.
Bellenilişi ýaly, smartfon 17-nji seriýanyň beýleki gurluşlaryndan 40-50% inçe bolar. Korpusyň esasy bolup ýeňilligi we berkligi birleşdirýän alýuminiý we titan çykyş eder. Işläp düzüjileriň 2014-nji ýylda çykan iPhone 6-nyň dizaýnyny nusga hökmünde alan bolmagy ähtimal. Korpusynyň ýogynlygy 6,9 mm bolan bu gajet häzirem kupertinoly kompaniýanyň taryhynda iň inçe smartfon bolmagynda galýar.
iPhone 17 Air ProMotion tehnologiýasy bilen 6,6 dýuým diagonally displeýe (kadr ýygylygyny 1-den 120 Gs aralygynda üýtgedýär) we täze ýokary derejede berk gorag örtügine eýe bolar. Face ID skaneriniň ekranyň aşagynda oturdylmagyna garaşylýar.
Esasy kamerada 48 Mp durulyk we iki esse optiki ýakynlaşdyrma bilen giňburçly telefoto-datçik ulanylar.
Smartfon 8 GB operatiw ýat bilen täze nesil A19 Bionic prosessorynda işlär. Şeýle-de, täze 5G çibiniň we Apple-iň özi tarapyndan taýýarlanan Wi-Fi modulynyň goldawyna garaşylýar. Şol bir wagtyň özünde, başlanyç wersiýa iPhone 17 Slim (Air) 128 GB içerki ýada eýe bolup biler, ýöne 1 TB çenli sygymly wariantlar hem elýeterli bolar.
Insaýderleriň maglumatlaryna görä, gurluşyň bahasy 1299 dollardan başlaýar.
