26-njy noýabrda Şanhaýdaky Bauma China sergisinde BYD kompaniýasy gurluşyk enjamlary üçin iň çalt zarýad alýan elektrik batareýasyny görkezer. Bu enjam -35°C-den 65°C-e çenli aralykda işlemäge ukyply bolup, 600 kW/s-a çenli zarýad beriş güýji bilen üpjün edýär diýip, Carnewschina.com habar berýär.
Blade litiý-demir-fosfat batareýasy BYD-dan aýrybaşgalanan FinDreams we Hytaýyň iň uly gurluşyk enjamlaryny öndüriji XCMG bilen hyzmatdaşlykda işlenip düzüldi.
Batareýa intensiw ýagdaýda ulanylmak üçin niýetlenendir we 1500 W naprýaženiýede 400 A-e çenli togy goldaýar. Onuň kuwwaty 200-2500 kW/s aralygynda üýtgeýär we hyzmat möhleti 7000 zarýad siklidir. Işläp düzüjiler batareýanyň aşa agyr şertlere durnuklylygyny aýratyn nygtaýarlar.
Batareýa gurluşyk enjamlaryna integrasiýany ýeňilleşdirýän cell-to-body tehnologiýasyny goldaýar. BYD bu batareýanyň pudakda ilkinji batareýadygyny aýdýar.
