Huawei-iň dolandyryjy müdiri we akylly ulaglar bölümçesiniň başlygy Ýuý Çendun ilkinji Harmony Zhixing Zunjie-iň “ýoldaky ýeňil awtoulaglaryň 99,99 göteriminden uzyn boljakdygyny” mälim etdi. Modeliň uzynlygy takmynan 5,5 metr bolar diýip, ITHome ýazýar.
Çendun ulagy “içiniň diýseň giňişdigi” sebäpli "äpet we gabaraly" diýip atlandyrdy.
Harmony Zhixing Zunjie-niň tanyşdyrylyş dabarasy 26-njy noýabrda Huawei Mate 70 serialy smartfonlaryň satuwy goýberilmegine bagyşlanan konferensiýada bolar.
Zunjie S800 diýlip hem atlandyrylýan bu awtoulag Hytaýyň JAC awtoulag öndürijisi bilen hyzmatdaşlykda işlenip düzüldi. Awtoulag premium segmentine degişlidir.
Awtoulag öndürijisi we IT ägirdi 2017-nji ýylda hyzmatdaşlyk edip başladylar we 2020-nji ýylda bolsa sanly platforma döretmek barada şertnama baglaşdylar.
