ITHome neşiriniň habar bermegine görä, 21-nji noýabrda Xiaomi-niň kiçi brendi bolan REDMI logotipini çalşandygyny yglan etdi hem-de täze K80 we K80 Pro smartfonlarynyň suratlaryny çap etdi.
Logotip indi gyzyl kwadratyň fonunda REDMI diýen gyzyl ýazgyly ýa-da ak harply görnüşde görkezilýär. Ondan öň benewşe tegelekdäki Redmi ýazgysyndan ybaratdy.
REDMI-niň baş menejeri rebrending zerurdygyny düşündirdi. Onuň sözlerine görä, göze ilginç gyzyl reňk meşhur bolmak ugrundaky dogumlylygy, baş harplar bolsa ynamy alamatlandyrýar.
Hödürlenen renderlere görä, K80 we K80 Pro smartfonlary birnäçe reňkde çykar. K80 ak, gök, ýaşyl we gara reňklerde bolar, Pro wersiýasynda gök reňk ýok.
REDMI K80 120 Hz ýygylykly 2 Hz ekran, Dimensity 9400 çipi we 90 W-lyk zarýad beriji, IP68 standartyna laýyklykda tozandan we çygdan goraýjy bilen üpjün ediler diýlip garaşylýar.
K80 Pro wersiýasy Snapdragon 8 Elite prosessoryny, 120 Wt zarýad berijini we Lamborghini Edition-iň çäkli wersiýadaky modeli alar.
Smartfonlaryň resmi yglan edilişi 27-nji noýabrda bolar. Bahalar entek aýan edilmedi.
