Ford konserni Ýewropada 4000 töweregi iş ornuny azaldar

  • 22.11.2024 16:10
  • 3.1k+

Ford awtokonserni elektromobillere bolan islegiň gowşamagy we hytaý öndürijileri bilen berk bäsdeşlik sebäpli, Ýewropada 4000 töweregi iş ornuny azaltmagy meýilleşdirýär. Bu barada beýana salgylanyp, Financial Times habar berýär.

Bu meýilnama 2027-nji ýylyň ahyryna çenli durmuşa geçiriler we Germaniýada 3000, Beýik Britaniýada 800 töweregi iş ornuna täsir eder. Azaldyljak iş orunlarynyň umumy sany awtokonserniň Ýewropadaky ähli işçi güýjüniň (28 000 orun), takmynan, 14%-ine deň bolar. Häzirki wagtda meýilnamalar kärdeşler arkalaşyklary bilen maslahatlaşylýar.

“Ford-yň geljekde Ýewropada bäsdeşlige ukyplylygyny üpjün etmek üçin kyn, ýöne aýgytly çäreleri görmek örän möhüm” – diýip, Ford-yň sebitdäki wise-prezidenti Deýw Jonston belledi.

Islegiň gowşamagyndan baş çykarmak üçin, Ford kompaniýasy öz hatarynda awtomobilleriň sanyny azaltdy. Konsern “has girdejili ugurlara” üns bermekçi diýlip, beýanda aýdylýar.
Öň, Ford-yň baş ýerine ýetiriji müdiri Jim Farli kompaniýanyň elektromobil önümçiligi üçin 40% az işçiniň gerekdigini aýdypdy. Awtokonserniň baş maliýe müdiri Jon Louler Germaniýanyň hökümetine ýüz tutup, häkimiýeti “bazar şertlerini gowulaşdyrmak üçin has köp çäre görmäge” çagyrdy.
Ýatlap geçsek, ozal Ýewropada iň uly awtoöndürijileriň biri bolan Volkswagen hem islegiň azalmagy we Hytaýda bazar paýynyň ýitmegi sebäpli, Germaniýada üç zawodyny ýapmagy we on müňlerçe iş ornuny azaltmagy meýilleşdirdi.


24.05.2025 13:08
10k+

Ýewropada täze Lexus ES hödürlendi

Ýewropada sekizinji nesil Lexus ES ulagynyň premýerasy boldy. Täze wersiýa ozal Demirgazyk Amerikada hödürlenen modelden tapawutlanýar. Ýewropa bazary üçin niýetlenen model gibrid we doly elektrik görnüşlerde elýeterli bolar...

23.05.2025 11:49
2.2k+

Honda täze gibrid güýç ulgamy bilen Toyota we Ford-a garşy çykýar

Honda 2027-nji ýyldan başlap kämilleşdirilen güýç gurluşly 13 sany gibrid awtoulag modelini dünýä derejesinde satuwa çykarar. Täze ulgam ýokary çekijiligi we özüne düşýän gymmatynyň arzandygy bilen tapawutlanýar...

23.05.2025 00:03
3.5k+

Elektrokarlardan lapykeç bolan Ford akkumulýator zawodynyň güýjüni Nissan-a berer

Ford Motor elektromobil işläp taýýarlamak meýilnamasyna gaýtadan seredilendigini habar berdi. Awtoöndüriji Kentukkidäki (ABŞ) akkumulýator öndürýän zawodynyň önümçilik kuwwatynyň bir bölegini Nissan kompaniýasyna kärendesine bermek kararyna geldi...

21.05.2025 15:49
6.3k+

Hyundai Ýewropada IONIQ 6-nyň bahalaryny döwdi. Ol ykjam hetçbeklerden arzan boldy

Hyundai IONIQ 6 elektrik sedanynyň Ýewropadaky bahasyny ep-esli arzanlatdy. Light-yň esasy komplektasiýadaky modeli indi maliýeleşdirilen ýagdaýynda 27 310 ýewro durýar. Bu öňküsinden 21 490 ýewro arzan we adaty benzinli C derejeli hetçbekleriň bahasyna laýyk gelýär...