Hytaýyň Xiaomi kompaniýasy Redmi brendi bilen Redmi A4 5G atly bäşinji nesil aragatnaşyk ulgamlaryny goldaýan täze smartfonyny resmi taýdan hödürledi.
Täze smartfon 1600 x 720 piksel durulykda (HD+), ýygylygy 120 Gs we iň ýokary ýagtylygy 600 nit bolan 6,88 dýuýmlyk displeý bilen üpjün edildi. Displeýiň ýokarky böleginde damja şekilli 5 Mp frontal kamera ýerleşdirildi. Esasy kamera 50 Mp.
Redmi A4 5G smartfony 4 nm tehprosesi boýunça taýýarlanýan sekiz ýadroly Qualcomm Snapdragon 4s Gen 2 mikroprosessoryna esaslanýar. Grafikanyň işlenmegine Adreno 611 tizleşdirijisi jogap berýär. Gurluş microSD arkaly 1 TB çenli giňeltmek mümkinçiligi bilen 4 GB operatiw ýat we 64 ýa-da 128 GB içerki ýat bilen üpjün edildi. 5160 mA/sag sygymly akkumulýator 18 Wt çenli çalt zarýad berşi goldaýar. Zarýad beriji gurluşy birikdirmek üçin USB Type-C interfeýsi göz öňünde tutuldy.
Şeýle-de, Wi-Fi 802.11 ac we Bluetooth 5.3 bar. Smartfon HyperOS interfeýsi bilen Android 14 programma platformasynyň dolandyrmagynda işleýär. Onuň ölçegi 171,88 x 77,80 x 8,22 mm bolup, agramy 212 g barabar. Müşderiler üçin gara we ýiti benewşe reňkler hödürlenýär. Smartfonyň bahasy 64 Gb üçin, takmynan, 100 dollar we 128 Gb üçin 112 dollardyr.
