2009-njy ýylda ulanyşa girizileninden bäri, Türkmenistan - Hytaý gaz geçirijisiniň ugry boýunça HHR-e 500 mlrd kub metrden gowrak tebigy gaz iberildi. Bu möçberdäki gaz Hytaýa 696 mln tonna kömürden el çekmäge we zyýanly zyňyndylaryň möçberini ep-esli azaltmaga mümkinçilik berdi. Bu maglumatlary Hytaýyň Milli nebitgaz turbageçiriji kompaniýasy getirýär diýip, ORIENT habar berýär.
Gazyň ulanylmagy kömürturşy gazynyň zyňyndylaryny 764 mln tonna, kükürt dioksidiniň zyňyndylaryny 25 mln tonna, tozanyňkyny - 379 mln tonna we azot oksidiniňkini - 6,27 mln tonna azaltmaga mümkinçilik berdi. Ekologiýa taýdan täsiri deňşedirsek, bu möçber 2,373 mlrd gektar tokaý oturtmak bilen barabardyr. Bu bolsa Hytaýyň meýdanynyň 2,48%-ini eýeleýär.
Uzynlygy 1833 km bolan Merkezi Aziýa-Hytaý gaz geçirijisi Türkmenistany Özbegistanyň we Gazagystanyň üsti bilen Hytaý bilen birikdirýär. Bu gaz geçiriji 27 sany welaýaty we Gonkong ýörite administratiw sebitini gaz bilen üpjün edýär.
Aşgabatda geçiirlen 29-njy Halkara nebitgaz forumynda CNPC-niň baş direktorynyň orunbasary Çžan Daoweý Hytaý bilen Türkmenistanyň arasyndaky gaz söwdasynyň umumy möçberiniň 415 mlrd kub metre ýetendigini belledi.
