Netflix-iň paýnamalarynyň bahasy bir paý üçin rekord 890,60 dollara ýetdi we bu kompaniýanyň taryhynda iň ýokary görkeziji boldy. Şeýle ösüş ýakynda boksçy Maýk Taýson bilen bloger Jeýk Poluň arasynda bolan söweşiň ýaýlyma berilmegi bilen baglanyşdyrylýar.
Synag görnüşinde geçirilen ýaýlyma beriş tehniki näsazlyklar bilen utgaşdy. Strimiň dowamynda tomaşaçylar şekilleriň doňmagy bilen ýüzbe-ýüz boldular, bu hem köp sanly nägileliklere getirdi. Netijede, kompaniýanyň paýnamalary wagtlaýyn pese gaçdy. Ýöne söweş tamamlanandan soň, olaryň bahasy ýokarlanyp başlady.
Netflix-iň maglumatlaryna görä, strim 108 milliondan gowrak tomaşaçyny özüne çekdi, bellibir wagtda bolsa ýaýlyma 65 million gurluşdan tomaşa edildi. Kompaniýanyň ýolbaşçylygy şeýle ýaýlymlary täze strategiýanyň bir bölegi hökmünde görýär. Şol sebäpli göni ýaýlymlaryň, şol sanda sport wakalarynyň we güýmenje şoularynyň sanyny artdyrmak meýilleşdirilýär.
Bu çemeleşme kompaniýanyň adaty telewideniýäniň elementlerini birleşdirmek niýetini görkezýär.