29-njy noýabrda Er-Riýadda (Saud Arabystany) garyşyk söweş sungaty boýunça "PFL World Championship 2024" ýaryşy geçiriler. Agşamyň esasy tutluşygy ýarym ýeňil agramly PFL Gran Pri finaly bolar. Onda türkmen türgeni Döwletjan Ýagşymyradow we amerikaly Impa Kasanganaý çempionlyk ady we 1 million dollarlyk baýrak ugrunda bäsleşer diýip, championat.com ýazýar.
35 ýaşly türkmen söweşijisi ABŞ-nyň Florida ştatynyň Golliwud şäherinde geçirilen PFL 8 ýaryşynda awstraliýaly Rob Uilkinsony eminleriň biragyzdan ses bermegi bilen ýeňenden soň, bu ady almak hukugyna eýe boldy (Kaliforniýada ýerleşýän Golliwud bilen garyşdyrmaly däl). Bu Ýagşymyradowyň yzygider altynjy ýeňşi we PFL-de üçünjisi boldy. Garyşyk söweş sungatynda onuň 24 ýeňşi we 7 ýeňlişi bar, ýene-de bir tutluşygy deňme-deň netije bilen tamamlandy.
30 ýaşly Kasanganaý hem soňky söweşinde eminleriň karary bilen Joşua Silweýri ýeňdi.
Er-Riýadda geçiriljek tomaşa PFL Gran Prisiniň finalynda agyr agramly söweş bilen tamamlanar. Onda Oleg Popow Denis Golsow bilen duşuşar.
Ýaryşyň esasy kardyndaky (duşuşyklaryndaky) jübütleriň sanawy şu aşakdakylardyr:
- Oleg Popow - Denis Golsow
- Impa Kasanganaý - Döwletjan Ýagşymyradow
- Şamil Musaýew - Magomed Umalatow
- Brent Primus - Gaji Rabadanow
- Brendan Laýfneýn - Timur Hizriýew
- Taýla Santos - Dakota Ditçewa
