“Mançester Sitiniň” baş tälimçisi Hosep Gwardiola klub bilen ýene bir möwsüme uzaltmak mümkinçiligi bilen bir ýyllyk täze şertnamany baglaşmak barada ylaşdy. Bu barada The Athletic habar berýär.
53 ýaşly hünärmeniň häzirki şertnamasy möwsümiň ahyryna çenli hereket edýär.
Çeşmäniň maglumatlaryna görä, Gwardiola bilen şertnamanyň uzaldylandygy barada resmi bildiriş ýakyn günlerde yglan ediler.
Ispaniýaly hünärmen iňlis klubunyň baş tälimçisi wezipesine 2016-njy ýylda bellendi. Onuň ýolbaşçylygynda topar alty gezek Angliýanyň çempiony boldy we Çempionlar ligasyny utdy.
Häzirki möwsümde “Mançester Siti” Angliýanyň çempionatynyň ýaryş jedwelinde ikinji orny eýeleýär. Klub ähli ýaryşlary hasaba alanyňda, soňky dört oýunda utuldy.
