Apple ulanyjylara iOS 9-a çenli enjamlaryny täzelemegiň ýa-da ätiýaçlyk üçin nusgalamagyň (rezerw kopýalamagyň) alternatiw usullaryny tapmagyň zerurdygy barada habardar edýär diýip, 9to5mac habar berýär.
Kompaniýa 2024-nji ýylyň 18-nji dekabryndan başlap, iOS 8-den we has irki wersiýalarda işleýän enjamlardan iCloud ätiýaçlyk kopýalaryň aýryljakdygyny habar berdi. Ulanyjylar programma üpjünçiligini täzelemegi ýa-da maglumatlary göçürmek üçin başga usullary ulanmagy maslahat berýän habarnamalary alýarlar.
“2024-nji ýylyň 18-nji dekabryndan başlap enjamlaryň ätiýaçlyk nusga almagy üçin iOS 9 ýa-da ondan soňraky wersiýalar gerek bolar. Bu programma üpjünçiliginiň minimal talaplaryny has gowy kanagatlandyrmak üçin edilýär. Bu senä çenli hyzmaty hemişekiňiz ýaly ulanyp bilersiňiz. Şondan soň, eger IOS 9-a ýa-da has soňraky wersiýalara çenli täzelenmeseňiz, ätiýaçlyk maglumatlaryňyz pozular"-diýip, Apple habar berýär.
Kompaniýa MacOS Catalina ýa-da has soňraky Mac-da ätiýaçlyk nusgalaryny döretmek üçin Finder-den peýdalanmagy teklip edýär. Kompýuterleriň ýa-da macOS-yň köne wersiýalarynyň eýelerine maglumatlary göçürmek üçin Apple Devices ýa-da iTunes-dan peýdalanmak maslahat berilýär.
