Londonyň “Tottenhemi” nyşanyny üýtgedip, ondan klubuň adyny aýyrdy. Bu barada klubuň resmi saýtynda habar berilýär.
“300-den gowrak oýunçynyň, işgärleriň we janköýerleriň gatnaşmagynda döredilen täze nyşan klubuň brendine onuň görkeziljek platformalarynda has şähdaçyk we batyrgaý çemeleşmäge mümkinçilik berýär. Dünýä belli bolan horaz häzir öňküsinden has buýsançly görünýär. Biz egri “Tottenhem Hotspur” tekstini aýyrdyk. Bu klubuň nyşanynyň gerimini artdyrmaga we oňa hakyky nyşan hökmünde buýsanmaga mümkinçilik berer” – diýlip, “Tottenhemiň” metbugat gullugynyň habarynda aýdylýar.
11 tapgyrdan soň “Tottenhem” Angliýanyň premýer-ligasynyň ýaryş jedwelinde onunjy orny eýeleýär. Ange Postekoglunyň topary 16 utuk gazandy – bäş ýeňiş, bir deňme-deňlik, bäş ýeňliş. “Liwerpul” häzirki wagtda öňde barýar. Onuň hasabynda 28 utuk bolup, ikinji orunda gelýän “Mançester Sitiden” 5 utuk öňdedir.
