2024-nji ýylyň oktýabr aýynda Hindistandan smartfon eksporty geçen ýyl bilen deňeşdirilende 70 göterim ýokarlanyp, rekord goýdy. Bu barada Hindi öýjükli aragatnaşyk birleşiginiň (ICEA) maglumatlaryna salgylanyp, TASS habar berýär.
Çeşmäniň habaryna görä, oktýabr aýynda iberiliş iki milliard dollardan geçip, 2024-nji ýylyň maý aýyndan 23 göterim, 2023-nji ýylyň oktýabr aýyndan bolsa 70 göterim ýokarlandy.
Bu üstünlik global ykjam enjam üpjünçiliginiň zynjyrynda möhüm "oýunçy" hökmünde Hindistanyň ösmegini görkezýär. Hindistanyň smartfon eksporty şu maliýe ýylynda 10,6 milliard dollardan geçip, geçen ýylyň degişli döwri bilen deňeşdirilende 37 göterim köpeldi.
Iberilişleriň köpelmegine esasy goşant “Apple” we onuň hyzmatdaşlary, “Foxconn”, “Pegatron” we “Tata Electronics” ýaly smartfonlar tarapyndan edildi. Hindistanda ýerleşýän bu kompaniýalar önümçiligini we önümlerini halkara bazarlaryna eksport etmegi dowam etdirýärler diýip, rambler.ru ýazýar.
