Ilkinji üç eplenýän smartfon Huawei Mate XT-niň çykmagy Samsung kompaniýasyna innowasiýalary ornaşdyrmagy çaltlaşdyrmaga iterýär.
Günorta Koreýa ägirdi üç eplenýän düzüt bilen öz smartfonyny döretmegiň üstünde işleýär. Onuň çykmagy 2025-nji ýyla meýilleşdirilýär diýip, ET News çeşmesine salgylanyp, Android Headlines (AH) neşiri habar berýär.
Täze önüm gurluşy içine eplemäge mümkinçilik berýän mehanizm bilen tapawutlanar. Soňky maglumatlara görä, Samsung-yň gurluşy iki tarapdan eplenip, açylan görnüşde ekranyň ölçegini 9-10 dýuýma çenli artdyrar.
Gajetiň dizaýny şu aýyň ahyryna çenli tamamlanar.
Smartfon has inçe profil bilen eplenýän smartfonlary hödürlän Vivo we Honor ýaly hytaýly öndürijiler tarapyndan bäsdeşligiň güýçlenmeginiň esasynda işlenip düzülýär.
Bu gurluş işlemek we multimedia üçin täze mümkinçilikleri berip biler. Smartfonyň aýratynlyklary we bahasy barada häzirlikçe maglumat ýok.
