Elektron gurluşlaryny öndüriji kompaniýa Casio brendiň goşar sagatlarynyň kiçijik görnüşine meňzeýän ilkinji akylly ýüzügi CRW-001-1JR-i çykardy. Waka Casio-nyň sanly sagatlaryň bazaryna çykmagynyň 50 ýyllygyna bagyşlandy.
Aksessuaryň göwrümi bir dýuýma-da ýetmeýär diýen ýaly, muňa garamazdan ýüzükde sagatlary, minutlary we sekuntlary görkezýän doly derejeli LCD ekrany ýerleşdi.
Şeýle-de, ýüzügiň goşmaça funksiýalary dolandyrmak, mysal üçin, senäni ýa-da wagty başga bir wagt guşaklygynda görkezmek, sekundomeri we taýmeri dolandyrmak üçin üç sany düwmesi bar.
Ýüzük sagadynyň ekrany yşyga we budilnik funksiýasyna hem eýe boldy (ses signalynyň deregine displeýiň özi ýanýar).
Aksessuar, Casio-nyň aýtmagyna görä, suw geçirmeýän gurluşyň iki ýyl işlemegini üpjün etjek bir batareýadan iýmitlenýär. Batareýany zarýady gutaran ýagdaýynda çalyşmak bolar.
CRW-001-1JR ýüzügi hemişelik US 10.5 ölçegi bilen hödürlenýär, şol sebäpli eger barmaklar bu ölçegden uly bolsa, ýüzügi dakynmak mümkin bolmaz.
Sagatlar şu ýylyň dekabr aýynda ýapon bazarynda satuwa çykar. Bahasy – 19 800 ýena (takmynan, 128,38 dollar).
