Apple kompaniýasy özüniň Final Cut Pro 11 wideo redaktorynyň programma üpjünçiliginiň täze wersiýasyny hödürledi. Bu 2011-nji ýylda öňki wersiýasy çykandan bäri programmanyň ilkinji möhüm täzelenmesi boldy diýip, GSMArena belleýär.
Täze wersiýa emeli aň, şeýle hem giňişlikdäki wideo bilen işlemek üçin birnäçe gural aldy.
Esasy täzelikler:
Magnetic Mask - adamlary ýa-da obýektleri, ýaşyl ekrany ulanmazdan, kadrdan awtomatiki izolirlemäge mümkinçilik berýän guraldyr.
Transcribe to Captions – Apple-iň dil modelini ulanyp, awtomatiki subtitrleri döredýän aýratynlykdyr.
Smart Conform - inedördül ýa-da dik formatda taslamalaryň sosial media wersiýalaryny aňsatlyk bilen döretmäge mümkinçilik berýär.
Giňişlikdäki wideo redaktirlemesi - RF-S7.8mm F4 STM DUAL obýektiwi bilen jübütlenen iPhone 15 Pro, iPhone 16 ýa-da Canon R7 kameralarynda düşürilen wideolary gaýtadan işlemegi goldaýar. Ulanyjylar giňişlikdäki wideony import edip, effekt goşup, reňkini sazlap we çuňlugynyň ýagdaýyny sazlap bilerler.
Wideonyň ýa-da hereketsiz suratlaryň reňkini, reňk deňagramlylygyny, kontrastyny we ýagtylygyny awtomatiki gowulandyrmak üçin ýagtylygy gowulandyrmak we täze öwüşginler.
Akgynly haýal wideo düşürmek funksiýasy, mümkin boldugyça iň gowy hilli hereketi surata almak üçin wideo kadrlaryny döretmäge we kebşirlemäge mümkinçilik berýär.
Gepleşigi gowulandyrmak we sesiň derejesini optimizirlemek, şeýle hem meýdan şertlerinde ýazgy edilende ses ýazgysyndan fondaky galmagaly azaltmak üçin ses izolýasiýasy.
Täze Final Cut Pro 11 ähli macOS Sonoma-ly we azyndan 8 Gb RAM-ly ähli Mac -larda işleýär. Käbir funksiýalar Apple Silicon prosessoryny talap edýär.
Final Cut Pro 11 öňki wersiýalarynyň mugt täzelenmesi hökmünde elýeterlidir. Noldan satyn almak bir gezeklik töleg bilen 299 dollar bolar. Täze ulanyjylar üçin 90 günlük synag elýeterlidir.
