Ýuwaş ummanynyň günorta-günbatarynda alymlar ylma mälim bolan iň uly merjeni tapdylar. Oňa üç asyrdan hem gowrak wagt bolan bolmagy mümkin. Tapylan merjeniň göwrümi gök kit bilen deňeşdirilip bilner: onuň ini 34 metre, uzynlygy bolsa 32 metre, beýikligi-de 5,5 metre ýetýär diýip, Bi-bi-si habar berýär.
Äpet merjen Süleýman adalaryna ekspedisiýa wagtynda "National Geographic" gämisinde işlän wideo operator Manu San Feliks tarapyndan tapyldy. Ekspedisiýa howanyň üýtgemeginiň täsirlerini öwrenmek üçin Ýuwaş ummanynyň has uzak ýerlerine baryp gördi.
San Feliks: "Kartanyň gämi heläkçiliginiň bardygyny aýdýan ýerinde suwa çümýärdim, soňra şol ýerde bir zatlar gördüm" diýip aýdýar. Ol ýoldaşyny çagyrandygyny we suwa çümüp barýarkalar bu ägirt uly zady görendiklerini aýtdy.
Tapyndy “Pavona clavus” görnüşiniň agzasy bolup, gysga, gyrgyç we balyk ýaly dürli deňiz jandarlarynyň mekanydyr. Alymlar merjeniň milliardlarça merjen poliplerinden - rifleri, ýagny gaýalary emele getirýän ownuk organizmlerden ybaratdygyny bellediler.
“Men suw astyndaky ybadathanany açan ýaly boldum. Bu örän duýgylandyryjy. Bir ýerde galyp hem-de ýüzlerçe ýyllap diri zada uly hormat goýdum" diýip, wideo operator belleýär.
Hünärmenler merjeniň sagdyn we janly reňklere eýedigini bellediler. Gözlegçileriň pikiriçe, tupan ýygy-ýygydan ýüze çykýan ýerlerden uzakda ýerleşýändigi sebäpli, organizm uzak wagtlap ýaşap biler diýip, daily.afisha.ru ýazýar.
