Mekdep partasyndan aşhana: Hindistanda öňki mugallym ýurduň iň baý ýutuber zenany boldy

  • 16.11.2024 20:29
  • 15k+

Uttar-Pradeş ştatyndan (Hindistan) öňki mugallym, 65 ýaşly Nişa Madhulika Hindistanyň iň baý ýutuber zenany boldy. The Economic Times neşiri onuň baýlygynyň 430 million rupiýa (takmynan 5 million dollar) bolandygyny çaklaýar.

Madhulika 2007-nji ýylda aşpezlik boýunça blog ýöredip başlady. Ol, çagalary gidensoň, ýalňyzlygyny şeýdip ýeňip geçmek isledi. Hindi dilinde hindi aşhanasynyň wegetarian tagamlarynyň taýýarlanyş usuly barada gürrüň berdi.

“Men ýeke galanymdan soň, nahar bişirmekden teselli tapdym. Bu hobbi meniň durmuşymy üýtgetdi" – diýip, bloger gürrüň berýär. Onuň ýönekeý, ädimme-ädim düşündirýän tagam taýýarlaýyş usullary tiz meşhurlyk gazandy.

2011-nji ýylda Madhulika öz blogynda ýüzden gowrak resept toplap, YouTube-da aşpezlik kanalyny açdy we ähli ünsüni şoňa jemledi. Şonuň hatyrasyna  mugallymçylyk işini hem taşlady.
2017-nji ýylda platformadaky iň oňat aşpezlik mazmuny üçin baýrak aldy we täze dörän awtorlary goldaýan YouTube #SeeSomethingNew kampaniýasynyň ýüzi boldy.
Häzirki wagtda Madhulikanyň YouTube-da 14,5 million abunaçysy we Facebook -da bolsa 5,6 million abunaçysy bar. The Economic Times neşiri ony “Hindistanyň  YouTube-daky ýyldyzlarynyň ilkinji onlugyna” goşdy.
Ulanyjylar abunaçylaryna bolan mähirli garaýşy üçin, köplenç, oňa “eje” diýip ýüzlenýärler. Madhulika uly meşhurlyga eýedigine garamazdan, her teswire hut özi jogap bermäge synanyşýar.
Aşpezlikden başga-da, ol Hindistanyň obalarynda internetiň elýeterli bolmagyny üpjün etmeklige gönükdirilen Tata Trusts' Project Druv taslamasyna goldaw bermek bilen, haýyr-sahawat işine hem gatnaşýar.


20.08.2025 08:52
2.5k+

YouTube “Oskary” ýaýlymda görkezmek hukugyny satyn almak isleýär

YouTube “Oskar” baýragynyň gowşurylyş dabarasyny ýaýlyma bermek üçin hukuk satyn almaga gyzyklanma bildirýär. Bu barada iki çeşmä salgylanyp, Bloomberg habar berýär. Neşiriň bellemegine görä, barha abraýyny ýitirýän dabaranyň iň uly wideohostingde ýerleşdirilmegi oňa bolan gyzyklanmany artdyryp bilerdi...

18.08.2025 19:23
8.9k+

Hindi ýazyjysy diňe 2114-nji ýyla ýetilende okalyp bilinjek kitaby ýazar

Meşhur hindi ýazyjysy Amitaw Goş “Geljegiň kitaphanasy” taslamasynyň 12-nji gatnaşyjysy boldy. Onuň indiki golýazmasy, 2114-nji ýyla çenli, ýagny 89 ýyllap okyjylar üçin elýeterli bolmaz diýip, The Guardian habar berýär...

16.08.2025 17:45
2k+

YouTube görýän wideolaryna esaslanyp, ulanyjynyň ýaşyny kesgitlemek ulgamyny synagdan geçirýär

13-nji awgustda YouTube ABŞ-da ulanyjynyň ýaşyny barlamak boýunça täze ulgamyny synagdan geçirip başlady. Tehnologiýa görýän wideolarynyň häsiýetine baglylykda uly ýaşly we kämillik ýaşyna ýetmedik tomaşaçylary tapawutlandyrmak üçin emeli aňdan peýdalanar...

02.08.2025 17:53
6.2k+

Täze Galaxy Z Fold7 ABŞ-da köp satylýan, Hindistanda bolsa ýetmezçilik edýän smartfon boldy

Samsung ABŞ-da Galaxy Z Fold7 smartfony üçin rekord mukdarda – Galaxy Z Fold hatarynyň öňki islendik modelinden köp deslapky sargytlary kabul edendigini habar berdi. Umuman alanyňda, Galaxy Z Fold7 we Galaxy Z Flip7 üçin deslapky sargytlar geçen ýylky görkezijilerden 25% ýokary boldy...