Amerikaly bloger Jeýk Pol boks söweşinde bu ugurda öňki absolýut dünýä çempiony Maýk Taýsondan üstün çykdy. Söweş 16-njy noýabra geçilen gije Arlingtonda (Tehas ştaty, ABŞ) geçirildi we 8 raund dowam etdi. Pol emin agzalarynyň biragyzdan karar bermeginde 79-73 hasabynda ýeňiş gazandy.
Söweş resmi diýlip hasaplanyldy, onuň netijesi boksçylaryň statistikasyna goşular. Şol bir wagtyň özünde, adaty söweşlere mahsus bolan käbir düzgünler sähel üýtgedildi: raundlar 3 minut däl-de, 2 minut dowam etdi, ellikler bolsa 10 unsiýa däl-de, 14 unsiýa boldy.
Bu ýeňiş 27 ýaşly Pol üçin professional ringde 11-nji boldy. Şeýle-de, onuň hasabynda bir ýeňliş bar.
58 ýaşly Taýson üçin bu ýeňliş karýerasynda ýedinji boldy. Onuň hasabynda 50 ýeňiş bolup, şolardan 44-üsi nokaut arkaly gazanyldy.
CNBC-niň maglumatlaryna görä, söweş üçin professional boksuň taryhynda 17,8 mln dollarlyk rekord möçberde petek satyldy. Söweş 70 müňden gowrak tomaşaçyny özüne çekdi.
Bu söweş üçin Pol 40 mln dollar, Taýson 20 mln dollar alar.
