"Roma" futbol kluby şu möwsümiň ahyryna çenli Klaudio Ranýeriniň baş tälimçi wezipesine bellenendigini resmi taýdan mälim etdi. Bu barada rim futbol klubynyň resmi web sahypasynda habar berildi.
Möwsüm gutarandan soň, 73 ýaşly hünärmen ýolbaşçy wezipelerinden birine geňeşçi ediler. "Romanyň" eýeleri klubuň strategiýasy we ösüşi bilen baglanyşykly meseleleri onuň bilen utgaşdyrarlar.
Öňümizdäki birnäçe aýyň dowamynda futbol klubuň ýolbaşçylary indiki möwsüm üçin hemişelik tälimçi gözlemegi dowam etdirerler. Tälimçi saýlamaga Klaudio Ranýeri hem gatnaşar.
Geçen möwsüm sowulanda, Ranýeri tälimçilik karýerasynyň tamamlanandygyny mälim etdi. Ondan öň Ranýeri 2009-njy ýyldan 2011-nji ýyla çenli "Roma" futbol klubynyň baş tälimçi wezipesinde bolupdy. Şeýle-de soňra ol bu wezipede 2019-njy ýylyň mart aýyndan iýun aýyna çenli işledi. Asly italiýaly hünärmeniň 2023-nji ýylyň ýanwaryndan bäri ýolbaşçylyk eden kluby - "Kalýari" onuň karýerasyndaky soňky futbol kluby boldy diýip, championat.com ýazýar.
