Ispaniýanyň Loewe modalar öýi Ýaponiýanyň Suna Fujita keramika studiýasy bilen hyzmatdaşlykda Täze ýyl toplumynyň satuwa çykarylandygyny habar berdi. Toplumda studiýany esaslandyryjylar – suratkeş är-aýal Şoheý Fujito we Çisato Ýamano tarapyndan elde çekilen suratly ajaýyp dizaýnly torbalary we aksessuarlary öz içine alýar.
Nusgawy ýapon keramikasynyň tehnikasy ulanylyp döredilen nagyşlar brendiň önümlerine baýramçylyk stilini we özboluşly gelşik berýär.
Bu Loewe bilen Suna Fujitanyň arasyndaky ilkinji hyzmatdaşlyk däl. Mundan ozal ýapon keramikaçylary 2024-nji ýylyň ýaz-tomus deslapky toplumynyň çäklerinde Ispaniýanyň modalar öýi üçin printleri işläp düzüpdiler.
Ispaniýanyň Loewe modalar öýi 1846-njy ýylda Madridde esaslandyryldy. Ol dünýädäki iň gadymy we iri kaşaň modalar öýleriniň biridir. Köp ýyl bäri kompaniýa deri önümlerini we esbaplaryny öndürýän öňdebaryjy öndürijileriň biri hökmünde öz ornuny saklap gelýär. 1905-nji ýyldan bäri bu brend Ispaniýanyň Korol köşgüniň resmi üpjünçisi bolup durýar.
